ପ୍ରେମଭୋଗ
ଶୁଭଶ୍ରୀ ଶୁଭସ୍ମିତା ମିଶ୍ର 
ମୋ ପ୍ରେମ ପାଇଁ ତୋ ଅଙ୍ଗୀକାର
ନିହାତି ଲୋଡା ପଡେନି ମ ,
ଯେମିତି ତୋତେ ଛୁଇଁ ଦେବାକୁ ମୋତେ
ଲାଜ ଲାଗେନା !
ତୋ ପ୍ରେମ ହିଁ ମୋର ଅହଂକାର ।
ଯେ ମୋତେ ଏକାତ୍ମ କରେ , ବାନ୍ଧିରଖେ ,ଶାନ୍ତ କରେ
ଆଉ ପରସ୍ତ୍ ପରସ୍ତ ଖୋଲେ ,
ମୁଁ ମୁକୁଳିତ ହୁଏ ଆଉ
ପୁଣି ମରିଯାଏ ,
ତୁ ମୋର ମୁଗ୍ଧ ଆରୋହଣ
ଆଉ ଅନ୍ୟମାନଙ୍କ ଆଖିରୁ ଲୁଚିଠିବା
ଗୋଟେ ଗୋପନ କ୍ଷତ ,
ତୁ ଏମିତି ରୁଗରୁଗ୍ ହୋଇ ପୋଡୁଥା'
ମୋ ଭିତରୁ ନେଇ ବାହାର ,
ଆଉ ମୁଁ ତୋ ନିରୀହ ଆଖିରେ
ତୋ ପ୍ରେମ ଆଉ ତୋ ଡର କୁ
ଭୋଗି ଚାଲିଥାଏ ଚିରନ୍ତନ କାଳ ।
