ନାଚ

ନାଚ

ନାଚ ଚାଲିଚି ।

 

ମହୁରି ବଜେଇ

ପୁଚ୍ଛ ମେଲେଇ ମୟୂର ।

 

ମଣ୍ଡପ ଉପରେ

ସତୁରିବର୍ଷର ବୁଢା ବରଗଛ

ତିରିଶିବର୍ଷର ଓହଳକୁ

କାନ୍ଧରେ ପକେଇ ନାଚଭୋଳ ।

 

ମଣ୍ଡପ ବୋଲି ଗୋଟିଏକୁ

ପ୍ରକାରେ ପ୍ରକାରେ ନାଚ ।

 

ନାଚ ଚାଲିଚି ।

 

ମୁହଁରେ ବୋଳା

ପାଣିଫୋଟକା ଧୂସର ରଂଗ

ଅନ୍ତବୁଜୁଳାକୁ କାବୁ କରିଚି ଗାମୁଛା

ନାଚ ମଝିରେ

ବାଟୁଳି ମାରି ଭଂଗା ଚାଲିଚି ମାଠିଆ

ସାଇତା ଚାଲିଚି

ଗଗରା ଭିତରେ ଗୋଟିଗୋଟି କରି ଘୁଂଗୁର ।

 

ନାଚି ନାଚିକି

ପାଦରେ ଘୋଳି

ଅଣ୍ଟାରେ ରକା

କାନ୍ଧରେ ବୋଝ

ନାଚ ଚାଲିଚି ନାକେଦମ୍ ।

 

ମୟୂରମାନେ ନାଚିବାକଥା ନାଚିଲେ

ଏ ବୁଢାଟା କି ବୁଦ୍ଦୁ ?