ବ୍ରିଟିଶ ଡେପୁଟି ହାଇକମିଶନରଙ୍କ ବିଶ୍ୱ ଦକ୍ଷତା କେନ୍ଦ୍ର ପରିଦର୍ଶନ
ସମତା
ବ୍ରିଟିଶ ଡେପୁଟି ହାଇକମିଶନର ଶ୍ରୀ ପିଟର କୁକ୍ ୨୦୨୩ ମାର୍ଚ୍ଚ ୧୪ରେ ବିଶ୍ୱ ଦକ୍ଷତା କେନ୍ଦ୍ର ପରିଦର୍ଶନ କରିଛନ୍ତି । ବିଶ୍ୱ ଦକ୍ଷତା କେନ୍ଦ୍ର ଟିମ୍ ସହ ଆଲୋଚନା
କରିବା ଅବସରରେ ବିଭିନ୍ନ ପାଠ୍ୟକ୍ରମର ଲ୍ୟାବ୍ ପରିଦର୍ଶନ କରି ଓଡ଼ିଶା ଦକ୍ଷତା ଇକୋସିଷ୍ଟମ୍ ସଂପର୍କରେ ସ୍ପଷ୍ଟ ଧାରଣା ହାସଲ କରିଥିଲେ । ଏହି ଆଲୋଚନା ଓ ଉପସ୍ଥାପନା ସମୟରେ ଦକ୍ଷତା ପ୍ରଶିକ୍ଷଣ ସମ୍ବନ୍ଧରେ ଅଭିଜ୍ଞତା ବାଣ୍ଟିବା ସହିତ ଅନେକ ବିଷୟ ଉପରେ ଆଲୋଚନା କରାଯାଇଥିଲା । ଏହି ବୈଠକରେ କିଛି ଗୁରୁତ୍ୱପୂର୍ଣ୍ଣ ଆଲୋଚନା କରାଯାଇଛି ଯଥା: ବ୍ରିଟିଶ କାଉନ୍ସିଲ ସହ ଆସୋସିଏସନ୍, ୟୁକେକୁ ଛାତ୍ର ବିନିମୟ କାର୍ଯ୍ୟକ୍ରମ, ୟୁକେର କମ୍ପାନୀଗୁଡ଼ିକରେ ଭବିଷ୍ୟତର ନିଯୁକ୍ତି ପାଇଁ ୟୁକେ ଶ୍ରମ ପରିଷଦ ଅନୁଯାୟୀ ପାଠ୍ୟକ୍ରମ ଏବଂ ସ୍ୱୀକୃତି, ବ୍ରିଟିଶ କାଉନ୍ସିଲ ସହଯୋଗରେ ବିଶ୍ୱ ଦକ୍ଷତା କେନ୍ଦ୍ରରେ ସାଇବର ସିକ୍ୟୁରିଟିରେ ଦକ୍ଷତା ପ୍ରଶିକ୍ଷଣର ପ୍ରଚଳନ ଇତ୍ୟାଦି । ଏହି ବୈଠକରେ ବିଶ୍ୱ ଦକ୍ଷତା କେନ୍ଦ୍ରର ଅତିରିକ୍ତ ସଚିବ ଶ୍ରୀ ପିନାକୀ ପଟ୍ଟନାୟକ, ଅଧ୍ୟକ୍ଷ ସଂଗରଣ ଗୋପାଳ ଏବଂ ଉପାଧ୍ୟକ୍ଷ ଶୁଭଙ୍ଗ କିଶୋର ଦାସ ପ୍ରମୁଖ ଉପସ୍ଥିତ ଥିଲେ । ଏହି ବୈଠକ ବିଶ୍ୱ ଦକ୍ଷତା କେନ୍ଦ୍ରକୁ ବିଶ୍ୱସ୍ତରୀୟ ଶିକ୍ଷାନୁଷ୍ଠାନ ଭାବେ ଗଢ଼ିତୋଳିବା ଏବଂ "ଓଡ଼ିଶା
ଗୋଇଙ୍ଗ ଗ୍ଲୋବାଲ" କୁ ସହାୟତା କରିବା ଦିଗରେ ଏକ ଉତ୍ତମ ପଦକ୍ଷେପ ।
