ଅଧିକାର
ଭାଗୀରଥି ବେହେରା
0
41
ଅଧିକାର ମାଗୁଛ ?
ନିଅ ଖୋଲିଦେଲି ହାତ
ଯାହା ଖସିଗଲା ତୁମର
ନ ଖସିଥିବା କିଛି ଅଭାଗା ହାତରେଖା
କେବଳ ମୋର
ନିଅ ତୁମ ଅଧିକାର ।
ଗୋଟିଏ ଅନ୍ତୁଡି
ଗୋଟିଏ ମଶାଣି
ମୁଁ ରଖିଦେଲି ମୋ ପାଇଁ
ଛାଡ଼ିଦେଲି ସବୁ ଇନ୍ଦ୍ରଭୁବନ ,
ଦେଇଦେଲି ଯେତିକି ସାଇତା ସପନ
ମୋ ନିମନ୍ତେ ବଳକା ମନ ।
ଆୟୁଷ ବି ତୁମର , ବିଶ୍ୱାସ ବି ତୁମର
ଯେତିକି ଲୋଡା ବଞ୍ଚିବାକୁ
ତାଠୁ ଅଧିକ ଲୋଡା ନାହିଁ ଅଧିକାର
କେବଳ ଶେଷ ନିଃଶ୍ୱାସ ମୋର
ନିଅ ଖୋଲିଦେଲି ହାତ
ଯାହା ଖସିଗଲା ତୁମର
ନ ଖାଇଥିବା କିଛି ଅଭାଗା ହାତରେଖା
କେବଳ ମୋର
ନିଅ ତୁମ ଅଧିକାର ।
ପାଦର ମାଟି , ମଥାର ଆକାଶ
ସବୁ ସମର୍ପି ଦେଲି ଯେତେ ଅପାର ସମ୍ଭାର
ଶିଖେଇଲି ସବୁ କଳା ବଞ୍ଚିବାର
ଛାଡ଼ିଦେଲି ଗଭୀରତା ସମୁଦ୍ରର
ଅଧିକାର ବୋଲି ତ କହିବିନି
କେବଳ ଆବଶ୍ୟକ ପରିଚୟ ପାଇଁ ନାମ ଛାର ।
