ଶବ୍ଦାଂଜଳି ବୃଷ୍ଟି
ପ୍ରଫୁଲ୍ଲ କୁମାର ତ୍ରିପାଠୀ 
କାହା ହାତ ସହ ମିଳାଇ ମୋ ହାତ
ହେବି କିଆଁ ମୁହିଁ ନିତି ବ୍ୟବହୃତ ?
ମିଳେନାହିଁ ଯେଣୁ ଏହାର ଉତ୍ତର
ମୁଁ ନିଜେ ମିଳାଏଁ ଦୁଇ ହାତ ମୋର
' ନମସ୍କାର ' ଅବା ' ପ୍ରଣାମ, ଜୁହାର '
ମୋର ତୁଂଡ ନିତି କହେ ବାରଂବାର
ଏମିତି ଚାଲେ ମୋ ଘର ପରିବାର
ତାହା ହିଁ ତ ମୋର ବାସ୍ତବ ସଂସାର
ଅନ୍ୟ ବହୁମୁଖୀ ଲୋକଂକ ସହିତ
ଯେହେତୁ ହେଲିଣି ସଂସର୍ଗ-ବିଚ୍ୟୁତ
ଏକା ହୋଇ ମୋତେ ମିଳୁଛି ଆନଂଦ
ମନରୁ ବିଚ୍ଛିନ୍ନ ସବୁ ଦ୍ବିଧା, ଦ୍ବଂଦ୍ବ
ଏପରି ଢଂଗରେ ରହିଅଛିଁ ତିଷ୍ଠି
ନିତି କରୁଥାଏଁ ଶବ୍ଦାଂଜଳି ବୃଷ୍ଟି
