ମନ ମଶାଣି
![ମନ ମଶାଣି](https://thesamata.in/uploads/images/2023/03/image_750x_640da7b527520.jpg)
ପଛରେ ଦିଶୁଛି ଧ୍ବଂସସ୍ତୂପ
ଆଗରେ ଅନେକ ନକ୍ସା
ପଛରେ ରହିଲେ ସବୁ ଶବ
ଆଗରେ ଭ୍ରୂଣର ଈପ୍ସା
ଭ୍ରୂଣ ବଢ଼ି କେବେ ଜୀବଟେ ହେବ
ତାହା କେହି ଜାଣିନାହିଁ
ଗର୍ଭଧାରିଣୀ ନାରୀକୁ ଏବେ
ପଚାରିବି କାହିଁ ପାଇଁ ?
ସ୍ମୃତିଧର ହୋଇ ପ୍ରତୀକ୍ଷାରତ
ରହିଲିଣି କେତେ କାଳ
ବାଂଝ ଗଛରେ ସତରେ କି ଆଉ
ଫଳିବ କୌଣସି ଫଳ ?
ମଲା ମୁଲକରେ ଜିଇଁଛିଁ ବୋଲି
ମନ ହେଲାଣି ମଶାଣି
ପରିଚିତ ମୁହଁ ଗୋଟେ ଦିଶୁନାହିଁ
କୁଆଡ଼େ ଗଲେ କେଜାଣି